Davao City – Sulod sa 81 na ka tuig, daghang mga panghitabo sa dakbayan sa Davao ang angay ipasigarbo ug pasalamatan. Luyo sa mga pagpanghulga sa seguridad ug uban pang kasinatian o hagit sa syudad, napamatud-an nga isog ug nagpabiling positibo ang mga dabawenyo. Subay niini gipasalamatan ni Davao City Mayor Inday Sara Duterte Carpio ang mga Dabawenyo tungod nagkasinabot ang tanan nga maprotektahan ang syudad pinaagi sa pagka-maayo ug disiplanado nga mga dabawenyos. “I’d like to deeply express my warm gratitude to all of you because I feel na dili kaayo lisod ang akoang trabaho as mayor because kitang tanan nagkasinabot na we have to protect and secure our city by being good Dabawenyos” Matud sa alkalde nga og adunay kalinaw ug han-ay nga pamuyo, maminusan ang problema ni Presidente Rodrigo Duterte diin sumala pa dili na kinahanglan pa maghuna-huna sa pamuno-nasud sa kahimtang sa syudad ilabi na nga daghan pa kini og ginasulbad nga problema sa nagkadaiyang parte sa nasud. Kana mao ang pipila sa mga giluwatang pamahayag ni Mayor Sara atol sa pag-abli sa ika-81 ka tuig nga Araw ng Dabaw niadtong Marso 1 diin gipahigayon ang opening ceremony sa Rizal Park sa may dalang San Pedro ning dakbayan. Tumong sa lokal nga panggamhanan nga pasalamatan tanang lumulupyo sa syudad ug sa mga bisitang kanunay misuporta sa turismo dinhi pinaagi sa ilang mga programa ug sadya nga mga aktibidad nga gilusad karon sa Davao. Highlights sa maong selebrasyon ang Datu Bago Awards, Mutya ng Dabaw, Lamdag Parada Dabawenyo, Banda Dasig, Parada Dabawenyo ug uban pa. Ang maong selebrasyon adunay temang “Stand tall. United. Resilient” diin gisaulog niini ang pagkahiusa isip katawhan, pagkahiusa sa pag-atubang sa nagkadaiyang hagit ug ang pagkaterminado nga makatindog ug makalingkawas sa mga kalisod nga miabot diin kanunay natong ginasinggit ang lupad agila, barug Davao! RadyoMaN Renz Barbarona https://youtu.be/AzgrgCjj3dg tags: dxdc 621 davao
