Davao City – Mamahimo sumala pang anam-anamon na pagpalit ang mga produktong kinahanglan sa umaabot nga holiday season. Kini ang tambag karon sa Department of Trade and Industry (DTI) labi na sa taliabot nga Pasko.
Sa interbyu sa DXDC RMN Davao kang Dexter Bermudez, Senior Trade and Industry Development Specialist sa DTI-XI Consumer Protection Division, gibutyag niini nga makatabang kini alang sa budget diin malikayan ang pagtaas sa presyo samtang nagkaduol ang maong panahon.
“Para dili kaayo bug-at sa bulsa anam-anamon nimo. At least, kinsenas kinsenas ka hangtud muabot ang Pasko. Basin later, ma-out of supply o basin naa pay musaka nga SRP (Suggested Retail Price),” saysay ni Bermudez.
Tambag ni Bermudez sa mga konsumante nga atol sa pagpamalit, kinahanglan gyud nga i-check ang expiry date sa items nga paliton, basahon ang label, i-check ang price tag ug pag-canvass sa ‘price difference’ sa produkto.
Gibutyag sa usab sa DTI official nga mamahimong ma-access ang E-PRESYO o ang Online Price Monitoring System (OPMS) sa departamento pinaagi sa ilang official website, sa www.dti.gov.ph.
RadyoMaN Kirby Manzon
