General Santos City- Malampusong nahuman ang Paskuhan sa Gensan 2017 kagabii pinaagi sa gihimong closing ceremony sa Oval Plaza ning dakbayan sa Gensan.
Nahimong makulay ang programa nga gitambunghan sa mga kadagkuan sa DepEd Gensan, magtutudlo, estudyante og mga katawhan sa Gensan.
Gi-showcase sa maong aktibidad ang tanang mga misalmot sa mga contest sa 13 ka adlaw nga selebrasyon sa Paskuhan.
Anaa usab mitambong ang mga opisyales sa lokal nga panggamhanan sa Gensan sama na lamang ni Vice Mayor Shirlyn Bañas-Nograles og City Councilor Dom Lagare Jr.
Sa nahimong pamahayag sa Bise Mayor, nga nalipay siya sa nahimong resulta sa selebrasyon, og gipaabot niini ang patimbaya sa DepEd Gensan sa malampusong paggunit sa event og nahimo nilang mas taas nga adlaw ang selebrasyon.
Nahuman ang selebrasyon pinaagi sa bonggang fireworks display sa oval plaza.
