Davao City – Ang Pasko gikonsidera nga espesyal nga panahon alang sa atong mga kabataan.
Karong tuiga, napili sa lungsod sa Davao ang tema nga ‘Santa’s Toy Factory’ silbing pahinungod ngadto sa mga inosenteng mga bata aron libre silang maka-enjoy sa mga gi-andam nga kalingawan ug laaganan sa syudad.
Sumala ni Davao City Mayor Sara Duterte, talagsaong okasyon ang Kapaskuhan, busa buot niyang malipay gayud sa hingpit ang mga Davaoeños.
“We hope that this display will make the children of Davao City happy and bring a smile across the faces of both the young and the young at heart. We also chose this theme to remind ourselves that Christmas is the time for giving and sharing our blessings, especially to those most in need,” matud sa mayor.
Niadtong November 22, opisyal nga nagsugod ang ‘Pasko Fiesta 2019’ denhe sa dakbayan sa Davao silbing usa sa mga major activities kun highlights sa city celebration sa Kapaskuhan.
Ang ‘Pasko Fiesta’ gidagsa sa mga excited Davaoeños gikan sa mga bata hangtod sa mga hamtong kinsa gibati’g tumang kalipay ug kasadya sa maong presentasyon.
Nalingaw ang tanan sa mga musical numbers sa nagkadaiyang performers atol sa engrandeng opening ceremony.
Atol sa opening ceremonies, gipasiga ug gipadan-ag usab ang 30-feet Christmas Tree nga gipabarug atubangan mismo sa City Hall.
Perfect 10 ang grado ni City Tourism Officer Generose Tecson sa opening sa Pasko Fiesta.
Sa mga buot musuroy, adunay 3D wall mapping sa City Hall sugod alas-6:30 hangtod 10:30 sa gabii nga adunay 30 minutes interval ug Pasko Fiesta Carnival sa may Rizal Park.
RadyoMan Aimee Guinita
