Patay ang isa ka pastor, matapos nga tiruhon sa Sitio Lemsu-al 2, Barangay Tasiman, Lake Sebu, South Cotabato, alas 6:45 kagab-i, Mayo 30, 2021.
Ginkilala ang biktima kay Pastor Narlito Pandian Tunggay,31 years old, pastor sang Community Bible Church nga nakabase sa Sitio Lemsu-al 2, Barangay Tasiman, Lake Sebu kag residente sang Barangay Lambuling, T’boli, South Cotabato.
Sa imbestigasyon sang Lake Sebu MPS ang biktima ang nagapungko malapit sa bintana sang ila nga kalan-an kag nagapatigayon sang bible sharing upod ang iya nga utod sang wala nakilal-an nga suspek ang nagtiro nga nagapanago sa madulom nga parte sang nasambit nga lugar gamit ang wala nahibaluan nga kalibre sang armas luthang.
Nakaangkon naman sang igo sang bala ang biktima sa wala nga guya sini kag naglapos sa iya nga leog.
Nagapadayon naman ang imbestigasyon sang Lake Sebu MPS sa motibo kag pagkilala sa suspek.
