Masubo nga ginapa-alinton ni Mayor Ninfa Garin sa mga pumuluyo sang banwa sang San Joaquin nga indi madayon ang ila paghiwat sang “pasungay Festival” subong nga tuig nga natalana kuntani buwas nga adlaw, Enero 19.
Sa Press statement ni Mayor Garin, ginpahayag sini nga masubo man nga ipaiway ang namat-an na nga kustombre sang mga taga-San Joaquin nga pasungay sang karabaw sa tion sang ila Kapiyestahan, apang napilitan siya nga ipaiway ini bangud sa pila ka legal issues.
Ginhinambit sang alkalde ang pagpamalabag sang pila ka grupo nga nagapahayag nga paglapas sa “Animal welfare Act” ang nasambit nga aktibidad.
Sa pihak sini, ginpasalig ni Garin nga iya himuon ang tanan agud mapadayon ang naandan nga hilikuton sa ila banwa sa masunod nga mga tinuig.
