Gilubong pasado alas-4:00 kagahapon sa hapon ang usa ka pasyenteng gituohang namatay sa COVID-19, sa may quarry area sa Barangay Bonbonon, nga gipanag-iyahan sa dakbayan.
Kini bisan paman sa pagbarikada sa mga residente sa barangay aron babagan ang paglubong niini sa ilang lugar tungod sa kahadlok nga matakdan sa sakit.Matud pa sa residenteng sa Cherryl Tipalan, walay nakig-istorya sa ilaha gikan sa LGU aron ipahibalo ang maong plano ug ipasabot ug isiguro ngadto kanila kung makatakod o dili ang virus.
Matud pa niya nga naa siya sa iyang trabaho dihang kalit siyang gitawagan sa iyang mga silingan nga motabang sa barikada nga dili maka-agi ang sakyanang gikargahan sa patay’ng lawas.
Wala gihapon silay nahimo dihang miabot ang daghang pulis nga nag-abog kanila.Matud pa ni Tipalan, daku ang iyang kabalaka tungod kay naa iyang balay du-ol sa gilubngan.
Duna pa siya duha ka mga gagmay’ng anak nga naghilanat karong mga panahona.Wala pay pahayag ang inter-agency task force covid sa Iligan sa tinood nga hinungdan sa pagkamatay sa pasyente.
Una na’ng nataho nga namatay ang pasyente niadtong Domingo sa gabii. (Divina M. Suson, March 24)
