iDol! gusto ba nimong mahibaluan ang imong
Kapalaran karong bulana? Kini giya lamang mga
idol, timan-e! nga gikinahanglan ug kakugi,
pagpaningkamot, pag-ampo plus swerte equals
imong kalampusan. Ug ania na ang mo giya
kanimo idol…
iFM CDO Horoscope (March 29, 2019 – WEDNESDAY)
ARIES – Sa usa ka panagsabot-sabot sa ubang tawo, gikinahanglan nga dili magdahum sa gusto nimong tubag. Kung aduna kay gaitago sa imong kaestorya, posible nga mao sad ang buhaton niini kanimo. Mahitabong magtuyok-tuyok na lang hinoon ang inyong pagpanagestorya. Busa kinahanglan bukas-abri ka sa mga tawong imong kaestorya para makuha nimo ang imong gustong tubag.
TAURUS – Ang imong abilidad ug kinaiya maoy nakapahilayo kanimo sa imong mga higala. Mura kag dili na kauban sa grupo ug dili ka na mohatag pud sa imong mga sugyot kung dili ka pangutan-on. Hugti ang imong pagtoo nga dili ka makatamak sa imong mga kauban labi na sa inyong mga paghisgot-hisgot para madawat ka sa ubang tawo.
GEMINI – Makasaway ka sa usa ka tawo nga presko ug sobra ka kapayason. Ang pagkakapayason ning tawhana mamahimo nimong magamit sa imong kaugalingong bintaha, kini kung imo siyang pasakayan. Apan, ayaw lang ug kompyansa kay basin mosumbalik kini kanimo nga pamaagi sa pagabot sa panahon..
CANCER – Usa ka maayo nga giya nga madawat nimo sa usa ka tawo nga wala nimo damha. Natingala ka kung giunsa ug asa kini nila gikan nga kahibalo apan aduna silay punto. Dili na nimo kinhanglan nga makigbisog ka pa kanila mahitungod pa sa ilang kahibalo, buhata nga madawat nimo kini kay makatabang kini kanimo.
LEO – Kung sa imong tan-aw nga mas maayo nga dili ipakita ang imong baraha nga gihawiran, buhata kini. Murag gibahog ra nimo ang imong kaugalingon sa mga leon kung imo kining ipakita. Bag-o nimo ipakita ang gusto nimong ipakita, kinahanglan nga aduna kini basehan. Ipagawas lang ang imong mga kahibalo o nahibaloan kung hinog na kini ug naa na sa saktong panahon.
VIRGO – Pwede dili nimo panumbalingon ang mga suhestyon sa ubang tawo sa pagpadali sa usa ka gimbuhaton. Paghinay-hinay sa mga pamaagi nga pinadali, kay mas maayo gihapon ang taas nga proseso apan sigurado. Kung imong sundon ang pinadali nga pamaagi, imo ra gihapon kining usbon ug mobalik ka sa sinugdanan.
LIBRA – Bisan pa man sa mga panghitabo karon nga imong gidangatan, nagpabilin ang imong pagkapositibo. Imong nabantayan nga nausab ang tanan sa imong pagtan-aw sa mga nanglabay nga mga buwan apan ayaw kabalaka kay maulian ra ang tanan. Walay labot ang swerte aning mga hitaboa, kini bunga sa imong pagka positibo sa imong mga panglantaw.
SCORPIO – Makapangutana ka kung asa ka mopadulong sa kataas na sa imong naabot. Imo kining nakita tungod kay imong gitan-aw ang imong mga naagian. Ang imong mga naagian maoy nagtuklod kanimo sa pagabot sa imong gustong padulngan. Tungod kay positibo ang imong panglaw sa kinabuhi, mao kini nakapalig-on sa imong pagkatawo.
SAGITTARIUS – Dili makita sa usa ka tawo ang imong sobrang pagpaningkamot sa imong trabaho kung ang iyang gusto ang matuman pirmi. Wala nimo buhata kini tungod kay aduna kay gustong ipakita sa uban apan gihimo nimo ang imong trabaho kay gusto nimo kining mahuman ug maayong pagkatrabaho. Ang imong pagkakugi sa trabaho makapahinumdom sa uban nga pirmi silang ma luwas sa mga maayo nimong mga kamot.
CAPRICORN – Ang imong mga kahibalo base kini sa imong mga naagian na sa imong kinabuhi. Gibuhat na nimo ang tanag pagsulay ug pagpakasayop kung unsay mas maayong pamaagi, apan ang kasinatian nimo maoy nahimong maayong magtutudlo. Tungod kay maayo ka maminaw sa uban ug modawat sa ilang pagtudlo kanimo, nagbunga kini ug kaayuhan kanimo.
AQUARIUS – Mo ubos ang imong pagtan-aw sa imong kaugalingon ug maluyahan ka sa mga dili maayong panghitabo karon sa inyong panimalay. Ang imong panimalay maoy imong gingharian ug pundasyon apan nakaapekto karon ang nahimong problema sa inyong pamilya. Molabay ra ang tanang problema sa kinabuhi busa ayaw kini ug tagae kaayo ug bili, himoa ang panahon maoy motambal sa tanan.
PISCES – Ang kabitoonan karon nakapakusog sa lebel sa imong insperasyon. Kung iuban nimo ang imahenasyon ug insperasyon magbunga kini ug maayong mga butang. Sa imong pagbuhat niini, mobaha kanimo ag mga talento ug mga pamaagi nga makaayo ug makakurat sa ubang tawo. Ang kalamboan gihatag na kanimo busa kab-uta kini.
Source: proastro.com
