Roxas City, Capiz- Patay samtang ginabulong sa Roxas Memorial Provincial Hospital si Kapitan Ruben ‘Godo’ Fuentes sang Barangay III, Roxas City matapos ini ang ginbuno sang nagresponder sa komosyon sa isa ka balay-ilimnan sa McKinley Street, sakop sang amu nga barangay.
Patal nga pilas sa iya dughan kag likod ang naangkon sang amo nga Punong Barangay sang ini ang ginbuno sangginatudlo suspek nga nakilala kay Virgilio Vigor Y Consurte, isa ka construction worker kag residente sang Janiuay, Iloilo.
Sa ginpatigayon nga hot pursuit operation sang mga kapulisan ang amo nga suspek kaupod ang persona nga nakilala kay Joseph Jamora Y Artuz sa sulod sang Capiz State University Main Campus kun sa diin sila ang nagatrabaho bilang mga construction worker.
Pilason man sa amo nga insidente kag padayon nga ginabulong sa ospital ang upod ni Kapitan Fuentes nga si BPAT member Ceasar Edrosolano nga nag-angkon sang pilas sa iya tiyan matapos nga nabun-an man bangud sa nagluntad nga komosyon.
Ang bangkay ni Kapitan Fuentes ang yara na sa isa ka punerarya sa Roxas Avenue samtang ang mga suspek ang subong nakahunong na sa karsel sang Roxas City PNP.
