PATAY GID! | 40-anyos nga babaye, nakuryente sa banwa sang Dumarao, Capiz

3282

Dumarao, Capiz – Ginbawian sang kabuhi ang 40-anyos nga babaye matapos makuryente mga 10:00 kahapon sang aga sa Barangay San Juan, Dumarao, Capiz. Ginkilala ang biktima nga si Mary Joy Macalde Fresnillo tag-iya sang isa ka boarding house sa nasambit nga barangay.
Sa inisyal nga imbestigasyon sang Dumarao PNP pakadto sa bubon ang biktima kaupod ang pila ka mga boarders sini agud magpaligo. Aksidente nga na-uyatan sang biktima ang nagalaylay nga live wire kag nakuryente ini. Gindala pa sa ospital ang biktima apang gindeklarar sang doctor nga dead on arrival. Nag-angkon sang paso sa lawas ang biktima nga amo ang gintunaan sang iya kamatayon.

Facebook Comments