Seguridad sa Davao Gulf hugtan

24

Davao City – Giseguro karon sa Coast Guard District Southeastern Mindanao ang seguridad sa gulpo sa syudad sa Davao aron dili kini malutsan sa mga terorista.

Kini ang gibutyag ni CGD-SEM Capt. Roy Echeverria atol sa regular session sa 18th City Council diin subay kini sa subling pagpamomba sa Isulan, Sultan Kudarat nga gikamatay sa duha ka mga sibilyan.

Sumala niini nga adunay 24-oras nga pagahimoong marine patrolling gikan Kiamba, Saranggani paingon Surigao City lakip na ang Samal Island kun ang kinatibuk-ang Davao Gulf.

Maglusad usab sila og foot patrols sa mga kabaybayon ingon man hugot nga inspeksyon sa mga pantalan kauban ang gipang deploy nga K-9 units.

Dugang niini, makig koordinar usab ang Davao Marine Council sa ubang responsableng ahensiya aron mapatuman ang ilang tinguhang kalinaw.

Gani gi-awhag sa maong kapitan ang katawhan nga makig koordinar kanila panahon nga adunay mamatikdang kadudahang lihok ilabi na may kalabutan sa seguridad sa kadagatan.

RadyoMaN Jason Amisola

Facebook Comments