PATAY GID | Government employee sa provincial capitol, patay matapos nga bumunggo ang ginasakyan nga motor sa ginasundan nga Isuzu SUV sa Brgy Lawaan!

Roxas City, Capiz – Patay ang isa ka empleyado sang provincial capitol makaligad aksidente nga nabunggo ang ginasakyan sini nga motorsiklo sa ginasundan nga Isuzu SUV nga ginamaneho ni Kenneth Buñi y Briñosa sang Graceville Brgy Tiza Roxas City.

Ginkilala ang biktima kay George Mapa y Suerto, 44- anyos sang Alcazar Subdivision Brgy XI kun sa diin ini ang gindeklarar nga dead-on-arrival sang gindangat sa Capiz Doctors Hospital bangud sa naangkon sa kapilasan sa lawas tuga sang mabaskog nga impact sang pagkabunggo.

Suno sa inisyal nga imbestigasyon ni Police Staff Sargeant Gamin Unarce, wala gilayon maka-apply sang preno ang biktima sang nagpundo ang ginasundan nga SUV kabangdanan ini ang nabunggo.
Samtang suno naman sa pahayag ni Buñi nga driver sang SUV, hinali nga nagpundo ang ginasundan sini nga jeep rason man sang insigida sini nga pagpreno. Pareho nga ginasubay sang mga ini ang dalan padulong sa city proper sang matabo ang insidente.


Facebook Comments