PATAY GID | Isa ka ginang, patay samtang mister sini pilason sa pagkabunggo sang traysikol sa kilid sang tulay sa Barangay Tapulang, Maayon!

Maayon, Capiz – Wala na sang kabuhi sang makit-an sang mga rescuers ang lawas sang isa ka ginang sa suba sa Brgy Tapulang, Maayon, Capiz makaligad nabunggo ang ginasakyan nga traysikol sa kilid sang tulay.
Ginkilala ang biktima kay Joanne Belvis, 31-anyos ang pang-edaron nga nag-angkon sang patal nga kapilasan sa lawas samtang pilason man ang live-in partner sini nga nakilala kay Mark Cacatian, 31-anyos sang Brgy Pantalan, President Roxas, Capiz.
Suno sa imbestigasyon sang Maayon PNP, naghalin ang mga biktima sa Brgy Sinabsaban, Cuartero, Capiz sang wala matalupangdan ni Cacatian ang kurbadahon nga porsyon sang nasambitan nga dalan kabangdanan sang pagkabunggo sa traysikol sa railings sang tulay.
Nahibaluan nga nasapwan ang bangkay sini mga apat ka kilometro ang kalayuon halin sa ginluntaran sang aksidente matapos ang ginpatigayon nga search and retrieval operation.
Ini ang nag-angkon sang pilas sa iya panga kag ginapatihan nga nabali pa ang tuhod.
photo(c)- Aksyon Tabang PDRRMO Capiz

Facebook Comments