Panit-an, Capiz- Isa ka persona ang patay samtang padayon nga ginabulong sa ospital ang isa pa ka persona sang ginbunggoan sang Isuzu Hilander ang mga ini alas 10:35 sang gab-i sa national highway sang Brgy Tabuc Sur banwa sang Panit-an.
Ginkilala ang ginbawian sang kabuhi kay Levy Jhon Deponi, 23-anyos sang Brgy. Balatucan, Panit-an kun sa diin ini ang gindeklarar nga dead-on-arrival sa Bailan District Hospital(BDH) samtang pilason man ang kaupdanan sini nga si Ed Distura, 21-anyos ang pang-edaron.
Suno sa inisyal nga imbestigasyon sang Panit-an PNP, ginasubay nanday Ed Distura kag Levy Jhon Deponi ang dalan sakay sa motorsiklo pauli sa ila poluy-an sang gulpi ang mga ini nga nabunggoan sa nalikod nga porsyon sang salakyan nga ginamaneho naman school principal nga si Ernie Villa, 48-anyos sang Brgy Tabun-acan Pilar Capiz.
Bangud sa mabaskog nga impact, gindalasa pa ang motorsiklo nga ginasakyan sang mga ini.
Samtang boluntaryo naman nga nagsurrender sa President Roxas PNP ang supek nga driver.
photo(c) – Panit-an MDRRMO
