PATAY GID! | Lapsag nga nagahinibi, ginhaboy sang amay sa haligi

Negros Occidental- Patay ang apat ka bulan nga lapsag pagkatapos nga ginhaboy ini sang amay sa haligi. Napikon ang amay bangud sa wala untat nga hinibi sang iya bata.

Ang suspek nga si Boy ang detenado subong sa custodial facility sang Silay City PNP.

Ang asawa nga si Inday nagpahayag nga naghinibi ang ila bata sang kaagahon. Ginpakungkong nya ang lapsag sa iya bana para mag timpla kuntani sang gatas.


Naubos ang pasensya sang amay kag iya ginhaboy ang lapsag apang nakabunggo ini sa haligi. Napilas gid ang ulo kag baba sang lapsag bangud sang impact.

Ginhakwat sang iloy kag ginpadede sa bibiron pero wala ini nagdede kag makaligad ang pila ka oras, ginbawian ini sang kabuhi.

Ang patay nga lawas sang bata gindala na sa Isa ka funerarya sa syudad sang Silay.

Facebook Comments