![images.jpeg-19.jpg](https://i0.wp.com/rmn.ph/wp-content/uploads/2019/10/images.jpeg-19.jpg?resize=696%2C433&ssl=1)
Panay, Capiz – Wala na sang kabuhi sang gindangat Roxas Memorial Provincial Hospital ang 40 – anyos nga mister matapos gin-alegar nalumos sa baybayon sang Barangay Pawa, Panay Capiz.
Ginkilala ang biktima nga si Rene Ucag, sang Brgy. Bailan, Pontevedra, Capiz.
Base sa inisyal nga imbestigasyon sang Panay PNP, nagapaligo ang biktima sa nasambit nga baybayon apang wala na ini nakabutwa sang ulihi sini nga pagsalum.
Naglab-ot sa kapin 30 minutos ang pagpinangita sang mga kaupdanan kag himata sang biktima, antes nasapwan ang lawas sini.
Nahibaluan nga nakainom sang makahulubog nga ilimnon ang biktima sang nagluntad ang insidente sang pagkalumos.
Photo from web
Facebook Comments