Cuartero, Capiz – Nagapati ang pamilya sang 21-anyos nga lalaki nga nalumos sa Agpayao Lake sa Barangay Nagba, Cuartero, Capiz nga wala sang nakit-an nga foul play sa kamatayon sini.
Ang biktima ang ginkilala kay Remark Balonzo Haluan, wala sang asawa kag residente sang nasambitan nga barangay.
Suno sa inisyal nga imbestigasyon sang kapulisan sa banwa sang Cuartero nga nagapangisda ang amo nga biktima sang wala sini matalupangdan nga yara na ini sa madalom nga porsyon sang suba kabangdanan sang pagkalumos sini.
Ulihi na nadiparahan sang kaupdanan sini nga himata nga nalumos ang biktima.
Nagresponde man ang mga katapo sang Cuartero Emergency Response Unit kag gindala sa ospital ang biktima apang ini ang gindeklarar sang doktor nga dead-on-arrival.
Sa subong yara na sa isa ka punerarya sa banwa sang Cuartero ang bangkay sang nasambitan nga 21-anyos nga biktima.
