Sigma, Capiz – Nag-angkon sang kapin sa 26 tanan ka mga pilas ang 57-anyos nga persona nga person with disability(PWD) matapos ini ang ginbuno sang mismo tiyo nga upod man sini sa pag-inom sa Sitio Kamantogan Brgy Mianay, Sigma, Capiz.
Patay gid ang biktima nga ginkilala kay Wildie Boluntad Malones sang Barangay Bangon-bangon, Sigma, Capiz bangud sa mga patal nga pilas sa iya ulo, liog, guya kag iban pa nga parte sang kalawasan matapos nga ginbuno sang suspek nga si Patrocinio Malones y Boluntad.
Base sa imbestigasyon sang mga kapulisan magkaupod nga nag-inom ang duha matapos ang ila nga paggarab sa ulomhan apang nagluntad ang komprontasyon sa tunga sang mga ini kabangdanan sang insidente.
Ginpahayag nga una nga naggabot sang kutsilyo ang biktima kag ginbuno ang suspek apang ini ang maswerte nga nagaluwas kag nakabalos sa biktima.
Natigayon naman nga maarestar sang mga kapulisan ang suspek sa ginpatigayon nga hot-pursuit operation.
Hinubog kag madugay na nga tema-tema sa mga ini ang ginapatudlo nga rason snag insidente.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
