Roxas City, Capiz – Patay ang 35-anyos nga lalaki matapos ini ang ginluthang mga alas 9:30 sang aga sa Sitio Pagutok Brgy sang Milibili, Roxas City.
Ginkilala ang biktima kay Alphy Abanco y Leonor, residente man sang nasambitan nga lugar nga nag-angkon sang apat tanan nga pilas sa iya lawas kabangdanan sang gilayon sini nga kamatayon.
Samtang ginatudlo nga suspek ang 44-anyos nga si George Albaran y Taburnal sang Sitio Pamungbongan sang nasambitan nga barangay.
Suno sa inisyal nga imbestigasyon sang mga kapulisan, naga-istorya pa ang duha sa atubang sang baligyaan sa amo nga lugar sang nagluntad ang pagsabtanay sa tunga sang mga ini nga ginsundan sang paggabot sang suspek sang pusil kag insigida nga ginluthang ang biktima.
Nakadalagan pa si Abangco, apang bangud sa patal nga pilas nga naangkon, natumba ini sa tunga sang uyapad kag ginbawian sang kabuhi.
Padayon pa nga atlarge ang amo nga suspek nga insigida nga nagpalagyo matapos nga makomiter ang krimen samtang ginahibalo pa ang motibo.
