Report ni: Tita Jen Palomo Debaja
Isa na ka mayami nga bangkay sang nakit an sa ospital sa Muscat Oman si Jimmy Ancheta Gutierrez, 39 anyos sang Sabangan, Alaminos City, Pangasinan 2 ka adlaw matapos nagpangayu sang bulig ang pamilya sa pagkadula sini.
Sa bulig sang mga miembro sang OFW Public Service in Action , co waiter sang nasambit nga pinoy kg kaupod man sang embahada sa Oman, na locate sa morgue sang Al Khuola Hospital ang bangkay ni Jimmy.
Suno sa kaupod nga waiter sang biktima nga si Zaldy San Jose , gin pahayag sang ospital nga Dead on Arrival na ang biktima sang gindala ini sang Miyerkules, Marso 7,2018 alas dose sang udto matapos nabungguan sang salakyan. Fatal nga pilas sa ulo ang gina patihan nangin kabangdanan sa kamatayon sini. Nagapati naman ang pamilya sang biktima nga may foul play sa pagkamatay sang ila himata.
Base sa pahayag sang misis ni Jimmy nga si Irene, nagpalab ut na sang kahangawa ang iya mister sa mga text messages sini nga delikado na ang iya sitwasyon sa gina ubrahan nga restuarant. Nagsugid si Jimmy kay Irene nga naakig ang amo sini matapos siya nagpangayo sang bulig sa embassy agud makapauli sa Pilipinas.
Suno sa pinoy gintawgan sang taga embassy ang amo sini kag nangako man nga baklan siya sang ticket agud makapauli sang Biyernes, Marso 9 2018.
Una nga nagtrabaho sa Riyadh Saudi Arabia si Jimmy halin Abril 21,2013 apang sang Agosto nag ligad nga tuig gindala ini sa Oman sang iya amo agud mag ubra bilang waiter Sa restaurant sini.
Padayon pa ang imbistigasyon sa nasambit nga kaso.
