Padayon pa’ng giila sa Police Station 1 ang pangalan sa lalaki kinsa napalgang patay sulod sa St. Joseph Cathedral ning syudad sa Butuan.
Pahayag ni SG Robinson Abucay, ang “assigned guard” sa nasangpit nga Cathedral nga bandang alas 2:40 sa hapon kagahapon samtang nagpahigayon ug roving inspection ang security guard sa visinidad sa Cathedral maoy nakita ang usa ka lalaki nga naghigda duol sa CR sa maong simbahan.
Sanglit bawal nga adunay matulog sulod sa Cathedral maoy gisita sa security guard ang maong tawo apan daku ang ilang kahikurat nga wala na kini naglihuk ug nagbula ang baba niini.
Daling nangayo ug tabang ang security guard ngadto sa kwerpo sa kapulisan hinungdan nga gidali pagdala sa Butuan Medical Center (BMC) apan gideklara kini’ng patay na.
Nagduda si SG Abucay nga adunay deperensya sa pangisip ang biktima tungod sa lagu nga suot niini ug dili usab familiar sa security guard ang panagway niini.
[image: patay katedral 2.jpg]
