TACLOBAN CITY – Usa nga patay nga lawas han lalaki an nakit-an nga naglulutaw-lutaw ha kabaybayunan han Balyuan, Magsaysay, Tacloban City kanina han alas 7:30 han aga, June 10.
Sumala kan P/Capt. Edwin Canamaque, Tacloban PNP Station 2 Commander, waray pa nagki-claim han patay nga lawas tungod nga waray pa liwat ini identification.
“Ini nga patay nga lawas han lalaki aada ini ha 40-45 years old, mga 5’4 an height hini niya, medium built, dark complexion ngan mayada ini niya spider nga tattoo ha wala nga ti-il.”
Waray bado han makit-an ini han mga otoridad, subay han inisyal nga imbistigasyon, nalumos ini nga tawo tungod nga waray ini samad ha iya lawas kun ginkastigo man o ginpasakitan pero huhulton la gihap an autopsy report para makasigurado.
“Initially namatay ini hiya tungod han kalumos pero hulton naton an autopsy report kay dida naton masasabtan kun may foul play gud ini hiya.”
