Midsalip, Zamboanga del Sur – Niabot na kagahapon ang patay nga lawas sa biktima nga si PNPA Cadete 3rd Class George Karl Magsayo.
Mga alas 9 kapin kon kulang, gisugat ang patay nga lawas sa biktima nga gisakay sa eroplano gikan sa Phillipine National Police Academy Compound sa Silang, Cavite.
Gipahigayon ang dutay nga seremonyas base sa naandan nga tradisyon sa mga kapulisan agig-pagrespeto sa batan-ong Cadete sa pagpakanaog sa patay nga lawas sa biktima gikan sa eroplano.
Wala usab kapugngi ang pagtulo ang mga luha sa mga nagmahal nga kaliwat niini.
Gibyahi ang patay nga lawas sa maong Cadete nga gisabayan sa bagang duot sa mga katawhan sa mga sakyanan gikan sa Pagadian City Airport paingon sa Brgy. Bakahan Midsalip ang lugar diin nahimutang ang pinuy-anan sa nitaliwan nga cadete.
Una ng gibutyag ni George Allan Magsayo amahan sa maong Cadete nga buutan matod pa kaayo ang ilang anak, nga walay laing gilantaw nga makatabang kini kanila.
Kahinumduman nga namatay si Magsayo tungod sa Cardio-Respiratory Arrest kon asa nahimong biktima na usab sa Hazing.
Hisayran nga ang suspect nga nailang si Cadet 2nd Class Steven Ceasar Maingat ang nag-atubang na karon sa kasong pagsupak sa Republic Act 11053 kon Anti-Hazing Law of 2018 nga miresulta sa Homicide.CTTO// PCADU
