Report ni: Tita Jen Palomo Debaja
Isa ka 57 anyos nga OFW sa Saudi Arabia ang gindulaan sang kabuhi takna alas 11:00 sang domingo sang aga matapos nagbalintong ang gina maneho nga trailer truck sini.
Ginkilala ang biktima kay Calixto Cabanlit, tumandok sang Oslob Cebu kag 27 anyos na nga naga ubra bilang driver sa Saudi Arabia.
Sa pahayag sang co worker ni Calixto nga si Roy Lapingcao sa Cebu Daily News, naga maneho sang water trailer ang nasambit nga pinoy sa dulhugon nga parti sang karsada sang nadulaan sang preno kag nag malfunction ang makina sang truck nga ginapatihan rason sang pagka disgrasya sini.
Nangin empleyado si Cabanlit sang Br. CAT International Co. Limited sa sulod na sang 27 ka tuig.
Base sa pahayag sang misis ni Cabanlit nga si Leonila , nag pakig angut na sila sa ( DFA ) Department of Foreign Affairs para sa repatriation sang bangkay sang iya bana.
Sa karun, temporaryo nga ginahaya si Cabanlit sa ila headquarters sa Dammam City, Saudi Arabia.
Samtang, nagpalab ut man si Cebu 2nd District Provincial Board (PB) Member Jose Mari Salvador nga willing gid ini magbulig sa pamilya ni Calixto.
Rest in Peace Kabayan.
