Biktima sa ambush si Ermita Barangay Captain Felicisimo “Imok” Rupinta ug iyang asawa didto sa Barangay Tayud, Liloan, Cebu pasado alas 8 karong gabhiona. Gikan ang managtiayon sa Ermita barangay hall padung uli sa ilang pinuy-anan sa lungsod sa Liloan.
Suma pa sa update ni Cebu City Councilor Dave Tumulak sa facebook nga nadali pa og dala ang kapitan sa Mendero Medical Center sa silingang lungsod. Apan 9:33 sa gabie nabugtoan ni sa iyang kinabuhi.
Suma pa ni Tumulak nga mga lalaki kuno nga sakay og duha ka motor ang mi-ambush sa managtiayon. Dugang pud ni Barug Team Councilor Joel Garganera nga ang asawa ni Rupinta ang gamaneho sa sakyanan samtang ang namatay nga kapitan nahimutang sa passenger’s seat.
Kahinumduman nga si Rupinta o mas naila sa tawag nga “Imok” kauban ang 7 ka konsehal niini nahimong kontrobersyal sa dihang gisuspenso ni sa ilang katungdanan. Gipahamtang nila ang “six months preventive suspension without pay” sa Visayas Ombudsman tungod sa reklamo sa giingong wa nila pag ayuda sa mga pagpangronda sa PDEA sa ilang lugar.
Kahinumduman pud nga karong tuiga lang na reinstate siya ug iyang mga kaubanan sa pwesto. Sa iyang pagdeny nga drug protector siya, iya pong giklaro nga sa iyang pagbalik sa pwesto kay mas lig-onon niya ang kampanya batok drugas.
Atoang pahisubo sa pamilya sa biktima.
Idol, sa inyong tan-aw unsa kaha’y motibo sa pag ambush sa maong kapitan? Comment lang sa ubos.
