Nadugangan ang pa ang nabawian sang kabuhi tungod sa balatian nga dengue sa South Cotabato bisan magamay na lang ang nagatuhaw nga panibag-o nga kaso sang nasambit nga balatian sa subong.
Base sa ila datos suno kay Dr. Rogelio Aturdido Jr., Provincial Health Officer sang South Cotabato nagalab-ot na sa 24 ang patay kag nagalab-ot sa masobra sa lima ka libo ang kaso halin Enero tubtob Setyembre 12 subong nga tuig.
May-angot sini, sa subong suno kay Dr. Aturdido yara na sa below epidemic threshold ukon nagapanubo na ang panibag-o nga kaso sang dengue kada semana sa probinsya
Apang iya ginapangabay ang tanan nga indi lang magkumpyansa tungod base sa dengue vector surveillance madamo pa sang lamok nga nagadala sang balatian nga dengue sa tagsa ka panimalay amo nga ipadayon ang search and destroy agud nga indi magsaka liwat ang kaso sang nasambit nga balatian sa probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
