Nagsaka na sa trese ang patay sa balatian nga dengue dire sa probinsya sang South Cotabato base sa datos sang Provincial Epidemiology Surveillance Unit halin Enero 1 tubtob Hunyo 1 subong nga tuig.
Samtang nagalab-ot na sa 1,990 ang kaso sang balatian nga dengue sa probinsya nga mataas sang *119.6%* kumparar sang nagligad nga tuig sa kapareho nga period.
Narekord naman ang 13 nga patay sa nasambit nga balatian sa syudad sang Koronadal Banga, Surallah kag Polomolok nga may tig-2, samtang tig-isa naman ang patay sa banwa sang Norala , Sto. Niño, Tampakan , T’boli kag Tupi.
Nagapabilin naman sa may mataas nga kaso sang balatian nga dengue ang Koronadal City nga may 403, Tantangan -261, Banga -216, Tupi kag Polomolok may tig 212 ka kaso, Surallah -201, T`boli -131, Tampakan -125 , Norala -106, Lake Sebu -61 kag Sto. Niño – 62.
Samtang yara naman sa 37 ka mga barangay sa probinsya ang may clustering of cases ukon may-yara sang 3 or more cases in four consecutive weeks nga amo ang mga Barangay sang Lampari, Rang-ay, Liwanay, San Vicente kag Reyes sang banwa sang Banga, sa Koronadal City *(*Zone I, GPS, Sto. Niño, San Isidro, Sta. Cruz & Zone III), Norala (Matapol & Poblacion), Polomolok (Magsaysay, Cannery Site, Polo, Silway 8 & Poblacion), Santo Niño (San Vicente), Surallah (Libertad, Naci, Centrala, Colongulo & Dajay), Tampakan (Kipalbig, Poblacion & Liberty), Tantangan (New Iloilo, Maibo, Poblacion, San Felipe & Dumadalig), Tboli (New Dumangas), Tupi (Lunen, Kablon, Bunao, Poblacion & Polonuling)
May-angot sini, padayon ang pagpang-awhag sang pamunuan sang Provincial Health Office sa katawhan nga manglimpyo sa palibot.
