Davao City – Wala matu pay mi-claim nga tagtungod sa usa ka patay’ng lawas nga lalaki gani wala pa mailhi ang pangalan kinsa anaa pa karon sa Angel Funeral Homes nahimutang sa may dalang F. Torres ning siyudad.
Sa eklusibong pakighinabi sa DXDC RMN Davao kang Cocoy Lem, embalmer sa maong punenarya, nga sukad kagahapon hangtod karon walay mipatim-aw nga kabanay nga muangkon sa maong patay hinuon gi-embalsamar na kagahapon.
Gani, nanawagan karon ang taga-Angel Funeral Homes ngadto sa mga tagtungod ilabi na sa mga nawalaan sa ilang mahal sa kinabuhi nga mamahimong muadto sa maong punenarya aron sa pagsusi sa maong patay kun sakop ba kini sa ilang pamilya.
Kahinumdoman nga alas-10:00 kagahapon sa buntag nakaplagan sa mga residente sa Purok 8, Bucana, Brgy. 19-B ning syudad ang patay’ng lawas sa may Davao River diin gibana-banaang anaa kini sa 30-anyos, 5’4 ang gitas-on ug nakasuot og pantaloon ug violet nga t-shirt.
RadyoMaN Don Pulayao
