Nitaas pa ang ihap sa kaso sa dengue sa dakbayan sa Valencia.
Sa interview sa RMN Malaybalay ngadto kang Villa Rizon, ang in-charge sa City Health Office – Environmental Sanitation and Occupational Health, gibutyag ninii nga sa karon anaa na sa 729 ka suspected dengue cases sa Valencia City.
Ang mao nga ihap natala sukad Enero ning tuiga hangtod sa ikaduhang semana sa bulan sa Setyembre ning kasamtangang tuig.
Matud ni Rizon nga sa mao ihap, 9 ka kaso ang wala nila nasuta kung aha nga barangay.
Kung ikumpara matud pa ang mao nga ihap sa nakalabay nga tuig mas taas kini karon.
Sa mao nga ihap, naabot na matud pa ang 7 ang namatay tungod sa dengue nga gikan sa mga barangay Poblacion nga adunay 2, tag-usa usab sa barangay Lurugan, Mailag, Sugod, Laligan, ug Bagontaas.
