Patay sa miyembro sa pamilya nga natabunan sa natumba nga lubi sa malapatan, nadugangan

General Santos City–Nakabsan na usab sa iyang kinabuhi ang 13 anyos nga minor de edad kansa apil nga nadat-ogan human nga natumba ang punuan sa lubi sa ilang panimalay sa sitio Palbang, Malapatan, Sarangani Province niadtong Domingo Sa Gabie.

Nasayran nga alas 7:00 ang takna sa gabie niadtong Lunes nakabsan sa iyang kinabuhi ang biktima human wala na maagwanta ang mga samad nga naangkon niini sa iyang kalawasan.

Kanihumduman nga patay ang iyang manghod nga si Lyka, 3 anyos, samtang anaa sa kritikal nga kondisyon ang iyang inahan nga si Setah samtang angol usab ang duha niini ka mga igsuon nga silang si Olie ug Angelica nga apil sa natabunan sa ilang balay dihang nahagsaan ug punuan sa lubi.