General Santos City- Patay ang magtiayon human nga gikasa ang usa ka operasyon batok ilegal nga droga alas 10:20 kagabii sa may Prk. 16 Ondok Gawan Road, Barangay Fatima ning syudad sa Gensan.
Nailhan ang mga suspetsadong namatay nga silang ni Juliet Sepi Bitayo, 45 anyos og usa ka Noren Balawag Apil , 54 anyos pulos residente sa maong lugar.
Pinaagi sa hiniusang pwersa sa GSCPO-CDEU, GSCPO-CIB, RID12 og PDEA 12 gi-implementa ang search warrant No. 1989 nga gi-isyu ni Honorable Judge Emmanuel C. Carpio, sa RTC 11, Branch 16 nga gi-isyu kaniadtong Agosto 24, 2018 batok sa mga nahisgutan.
Atol sa pag serve na sa warrant, ang suspek nga si Juliet ang mibunlot matud pa gilayon sa iyahang armas, ingun man ang bana niini.
Wala nahimo pa ang mga awtoridad kondili depensahan ang ilahang mga kaugalingon hinungdan nahitabo ang sinukliay og mga bala hinungdan sa kamatayon sa mga suspek.
Gidala pa sa Dr. Jorge Royeca Hospital ang mga nasampit apan gideklarang DOA sa mga doktor.
Narekober usab sa lugar ang 1 ka medium size self-sealing transparent plastic sachet nga gituuhang shabu, 6 ka square shape heat-sealed transparent plastic sachet nga gituuhang shabu, 1 unit sa cal. 45 pistol, 1 single column steel magazine, og 7 ka mga live ammunition’s.
