Polomolok, South Cotabato–Walay pagduha-duha nga gibutyag ni Polomolok Municipal Councilor Atty. Leo Cordova nga dako ang kabalaka karon sa katawhan sa Polomolok hilabina sa mga opisyal sa munisipyo bahin sa mga gakahitabong sunod-sunod nga pagpamusil patay sa ilahang lugar.
Sumala pa ni Councilor Cordova nga atol sa ilang session sa Sangguniang bayan mihatag kini sa iyang speech kung asa miduso kini ug resolution ug gihangyo niini si Mayor Honey Lumayag nga ipa-convene ang Municipal Peace And Order Council ingon man ang pag-imbeta nila kang South Cotabato Governor Reynaldo Tamayo Jr.
Saysay pa sa opisyal nga usa kini sa hangyo sa mga muslim elders sa Polomolok nga kinahanglan nga mo-apil na ang Gobernador sa South Cotabato aron masulbad na ang pagpamusil patay sa lugar.
Gitin-aw pa ni Cordova nga medyo maka-alarma na ang nagakahitabo sa Polomolok gumikan kay sunod-sunod na ang panghitabong patay bisan pa man nga dili tanang barangay ang dunay kasamok apan dili malikayan nga maapektuhan gayud ang ubang Barangay.
Dugang pamahayag niini nga sa kabahin sa kapulisan iyang nakita nga nagatrabaho man kini sa ilang katungdanan sa pagbantay sa mga lugar sa tumong nga aron mamintinar ang kahapsay ug kalinaw apan dili gayud malikayan nga dunay makalusot nga mga dautang elemento tungod usab sa kakulangon sa ilang pwersa. (RV)
