General Santos City—patay nang miuli sa syudad sa Gensan ang usa ka OFW nga si Ruzil Cafe, 33, nga taga EMB Homes, Barangay Labangal Gensan niadtong Domingo sa Buntag.
Gisugat sa iyang pamilya nga gipangunahan sa Bana niining si Allan Café uban ang mga personahe gikan sa Overseas Workers Welfare Administration ang patayng lawas niini sa Gensan City International Airport niadtong Domingo sa buntag.
Sumala ni Allan Cafe nga dunay Ashma ang iyang asawa kansa dugay na niining gihambin sa iyang lawas bisag nia pa kini sa Pilipinas.
Bulan sa Enero atol sa ikaduhang tuig niining pagpanarbaho sa Saudi maoy pinakauwahing kumunikasyon ni Allan ngadto sa iyang asawa ug niadtong tungura, buot nang muuli sa Pilipinas ang ginang apan tungod walay impormasyon bahin sa address ug bisan na number lang sa amo sa nahisgutan wala kini natabangan.
Ila nalang nabalitan sa Social media nga patay na ang ginang. Gikumperma usab ni Allan nga peke matud pa ang pagsulod sa iyang asawa didto sa Saudi apan iyang giklaro nga uwahi na nila kining nasayran dihang giproseso na ang mga dukumento sa pagpauli sa patayng lawas niini sa Pilipinas.
