Patay’ng lawas nakaplagan

Davao City – Usa ka patay’ng lawas ang nakaplagan alas 4:30 sa kahaponon didto sa usa ka lawak sa ikatulong andana sa Tolido Building Magallanes Residence Condominium Bolton Ext. sa Barangay 1-A siyudad sa Davao.

Sa report sa San Pedro PNP naila ang biktima nga usa ka Rene Adrian Flores, 54 anyos, usa ka negosyante ug residente sa nahisgutang lugar.

Sa imbestigasyon nga gilusad sa kapolisan sa pagpanguna ni Sr.Police Officer 1 Lozano, ang nakakita sa patay’ng lawas sa biktima mao ang iyang business partner nga si Josephaul Daquipil, 53 anyos nagpuyo sa Mabini St.Marfori Subdivision Barangay 9-A ning dakbayan.


Gikanayon sa duha ka katabang nga naila sa pangalang Rommelyn Flores ug Fe Estandarte nga nakit-an pa ang biktima alas 8:45 sa gabii nga migawas sa iyang lawak ug nag-inom og tubig.

Nigawas sa imbestigasyon sa kapolisan nga ang biktima dunay gihambing nga balatian nga thyroid disease diin nagtuo ang kapolisan nga mao kini ang hinungdan sa iyang kamatayon ug walay foul play sa maong insidente.

Ang patayng lawas gihaya na sa Cosmopolitan ning dakbayan sa Davao.

RadyoMaN Don Pulayao

Facebook Comments