General Santos City— Patay ng nakit-an ang usa ka construction worker nga nailang si Argie Sopina Illiot, 30 anyos nga residente sa Sitio Cabu, Brgy. Bawing ning dakbayan.
Sumala pa nga alas 10 ang takna sa buntag milabay’ng adlaw dihang nagpahigayon ug ronda ang duty guard sa Andora State Compound kung asa iyahang gituk-tok ang pyag nga gitulugan sa biktima, apan wala kini mitubag rason nga iyahang gi-gili ug nakit-an ang biktima nga nagkulob samtang walay saninang pantaas.
Atol sa pagsuta sa kapulisan, walay unsa mang komosyon nga nakita sulod sa maong payag ug walay unsa mang samad sa iyahang lawas rason nga dili nila mabutyag nga adunay foul play sa kamatayon niini.
Gihatagan na usab nila ug advice ang kabanay nga ipa-ilalom sa post mortem examination ug autopsy ang patay’ng lawas sa biktima aron masayran ang hinungdan sa kamatayon niini.
