Davao City – Nakaplagan sa usa ka mangingisda ang patay’ng lawas sa usa ka lalaki nga nag lutaw-lutaw alas-6:30 sa kabuntagon sa Aroma Beach, Barangay 76-A, Bucana, Davao City.
Biktima naila sa pangalang John Rey Lagunsay Dawa, 23 anyos, live-in, residente sa AWHAG Village, Bacaca, Davao City ug nasayran nga lumad kini sa Caburan, Jose Abad Santos, Davao Occidental.
Subay sa imbestigasyon sa kapulisan nakit-an ang patay’ng lawas sa biktima ni Nelson Salarde Mainit, 53 anyos residente usab sa maong lugar.
Sa pagpanubay sa kapulisan nasuta nga ang biktima nalumos sa Davao River AWHAG, Bacaca niadtong Hunyo 19, alas-11 sa kabuntagon samtang nangisda kini sa maong sapa.
Ang patay’ng lawas sa biktima gidala na sa Angel Funeral Parlor Homes.
Facebook Comments
