General Santos City—wala pa gihapon mailhan ang biktimang brutal nga
gipatay ug nakaplagan sa bakanteng luna sa may Purok Udagre, Barangay
Conel ning dakbayan kagahapong adlawa.
Gikumperma ni Police Sr. Inspector Ananias Vasquez, Chief of Police sa
Police Station 4 nga wala pay pamilyang mitumaw sa ilang buhatan aron
sa pagclaim sa patayng lawas sa biktima.
Tungod niini nanawagan ang nasangpit sa mga taga Gensan ug kasigbit
nga lugar nga nawad-an ug miyembro sa pamilya nga mamahimo nilang
sutaon sa ilang buhatan o dili ba kaha sa punerarya basin ila kining
kaila o paryenti.
Kahinumduman nga alas 5:00 ang takna sa kabuntagon kagahapong adlawa
dihang nakaplagan ang patayng lawas sa biktima nga gigapos ug gibaatan
pa ang baba sa bakanteng luna sa purok Udagre.
