Patay’ng lawas ni SPO1 Serg Maceren nakaabot na sa Surigao!

158

Puno sa kaanugon sanan kaguol an pamilya , kaparientihan sanan sa mga Surigaonon sa pagkamatay ni SPO1 Serg de Constantine Maceren,an sakop sa Highway Patrol Group sa Cagayan de Oro City na gipusil patay nan jadton milabay na Biernes sa isa ka suspetsado na inkilay-an na isa ka Abdulrahim Adilao na taga Pampanga, nagmaniho sa sakyanan na taggukod nila ni Maceren og mga kaibanan na sakop sa Special Operations Team nan HPG Region X, tungod sa makadudahan na plate number nan ini. Sa paghidangat nan ija patay na lawas kahapon na adlaw diri sa syudad,ini gisugat sa ija kapamilya na puno sa kaguol pero mapagarbuhon na ini namatay diha sa pagkamatinud anon sa serbisyo.Kahinumdoman na duha ka adlaw sa waya pa mahitabo an pagkapusil kay Maceren,ija tagsang atan nan kaso an duha ka mga individual sa Cagayan de Oro na misuway pagsuhol sa ija para makuha an tag impound na mga sakyanan.Padajon na tag imbestigahan kuman sa mga otoridad an amu na hitabo para mahatagan nan hustisya an kamatayon ni SPO1 Maceren. Gikatakda ilubong si Maceren sa Sabado,Disyembre15,2018 sa Barangay Mat-i Cemetery.

Facebook Comments

From Advertisers