General Santos City—Patay nang nakaplagan sa usa ka Concern Citizen ang usa ka Michael Yata Otucan, 22 anyos nga taga Rubi Compound, Barangay Lagao, Gensan kansa may samad pinusilan sa lawas nga bahin.
Nakaplagan ang biktima sa may Novitiate Compound nga nahimutang sa Barangay Lagao, Gensan.
Si Otucan ang kauban matud pa sa biktimang si Roger Paragoso, 18 anyos kansa napusilan usab sa wala mailhing suspetado.
Una nang gibutyag ni Roger nga igo ra silang nangaon sa usa ka tindahan, dayon nay joyride sakay sa usa ka motorsiklo apan pag-abot sa ngitngit nga lugar duol sa Royeca Compound sila gihunungan sa duha ka mga lalaking nakamotorsiklo dayon gidala sa ngitngit nga lugar ug gipaluhod.
Didto na dayon sila gipamusil, pareho silang napusilan ni Michael apan wala siya masayod kung kini naigo tungod kay nidagan siya bisag samdan na sa lawas.
Pila ka oras nag nakalabay, nakit-an ang patayng lawas sa biktimang si Michael sa Novitiate Compound.
Sa karon nagpadayon ang gihimong imbistigasyon sa kapulisan kalabutan sa insidenti ug ginasuta pa ang motibo sa maong krimen.
