South Cotabato—Gikumperma ni Police Major Joseph Forro ang hepe sa Banga PNP nga hangtod karung panahuna wala pa gihapon nailhan ang patay’ng lawas sa usa ka babaye nga nakalutan sa backhoe sa may bakanteng lote sa plantation sa saging sa Brgy.Lamba, Banga, South Cotabato.
Sumala pa sa opisyal nga nagapaabot lamang gihapon ang taga punerarya kung dunay pamilya nga mag-claim sa patay’ng lawas.
Saysay man usab ni Forro nga nagpaabot lamang sila sa desisyon sa taga punerarya kung kanus-a nila ipalubong gumikan kay sila man ang nasayod sa pag mintinar sa tambal ug kung sa pagkahibalo nila nga makahatag na kini ug dili maayo sa panglawas sa mga tawo ilaha na kining ipalubong
Samtang gikumpirma usab maong opisyal nga daghan nang pamilya ang miadto sa ilahang buhatan aron sa pagtan-aw sa patayng lawas nga gikan pa sa nagkadaiyang lugar sa South Cotabato apan wala pa gihapon nailhan ang nakalutang patay’ng lawas sa usa ka babaye
