South Cotabato – napalgan sa usa ka garbage Collector ang patayng lawas sa usa ka bag-ong panganak nga bata sa B’lok Creek, sakop sa Gracia Villa, Barangay Zone 1, Koronadal City, alas 9:00 ang takna sa buntag kagahapong adlawa.
Subay sa pahayag sa nakakita sa karton nga gisudlan sa patayng lawas sa bata nga iyang gibira ang karton aron unta ibaligya apan nakuratan kini dihang patayng bata ang misugat sa iyang panan-aw.
Gilayong mireport sa buhatan sa Koronadal PNP ang garbage collector aron maimbistigahan. Sa karon blangko pa ang kapulisan kung si kinsa ang naglabay sa bata ug kinsa ang ginikanan niini.
Gituohan nga sa ubang lugar gikan ang bata ug naanod lang ang karton nga gibutangan niini ngadto sa maong lugar.
Facebook Comments
