General Santos City—Nailhan na ang patayng lawas sa batan-ong babaye nga una nang nakaplagan sa Purok Mapailubon, Packing 1, barangay San Isidro, Gensan kansa una nang nakaplagan alas 6:00 ang takna sa buntag kagahapong adlawa.
Sumala ni Police Major Davis Dulawan, Hepe sa Police Station 4, personal nga giila sa ginang nga si Mary Dadula pang patayng lawas nga matud pa si Ella Jane Dadula Monterde, 12 anyos pinaagi sa Tsinelas nga gigamit sa biktima.
Nasayran nga Mayo 6 pa uwahing nakit-an sa ginang ang iyang anak nga nagdula matud pa sa Internet café sa ilang lugar. Iya pa kining gipauli sa ilang balay apan wala kini niuli.
Kampante usab ang ginang nga tua ra sa iyang mga barkada ang iyang anak apan dighang nakadungog sa balita nga adunay nakaplagang patay sa Packing 1 nakabati siya ug kabalaka mao nga iyang gisuta.
Nahimong imosyonal usab ang ginang dihang nakumperma nga ang iyang anak ang nakaplagang patay.
