General Santos City–Wala pa gihapon mailhan hantod sa kasamtangan ang biktimang nakaplagang patay alas 10:37 ang takna sa gabie niadtong adlawng Martes sa may Block 4, Extension, Barangay Fatima, Gensan.
Una nang gikumperma ni Police Captain Hailbron Okoren, Hepe sa Police Station 7 sa RMN News Team nga hangtod sa kasamtangan, wala pay ni-claim sa patayng lawas sa biktima nga anaa karon sa usa ka lokal nga purenarya ning syudad.
Naayran nga ang biktima nagsul-ob ug dirty white nga T-shirt ug nakamaong ug pantaloon. Una na kining nakaplagan sa mga residenti sa lugar nga nagbuy-od na duol sa kalsada ug wala nay kinabuhi kansa dunay samad binunalan sa iyang ulo nga bahin.
Dugang pagbutyag ni Captain Okoren nga sa kasamtangan nagpadayon pa ang ilang imbistigasyon sa maong insidenti.
Ginasuta nila karon kung silang si kinsa ang nakauban sa biktima ayha kini gipatay ug kung unsa ang ilang transaksyon sa maong lugar.
