South Cotabato — Patay na dihang marekober ang lawas sa usa ka lalaki human kining nadakin-as ug nahulog sa tulay pipila na ka adlaw ang nakalabay sa Barangay Laconon, Tboli.
Nasayran nga didto na narekober sa Allah River sa Sitio Dalla, Barangay Edwards sa maong lungsod ang patayng lawas sa biktimang si Edwin Lumbay Flang, 32, DOLE employee nga taga Sitio Santo Bong II, Barangay Laconon, Tboli.
Alas 2:00 sa kaadlawon, samtang nagbaktas ang nasampit nadakin-as matud pa kini sa tulay dool sa ilang panimalay ug nahulog sa sapa.
Gipangita kini sa iyang pamilya apan wala gyud nila kini nakaplagan ug ning bag-uhay palang nabangalan ang patayng lawas niini sa Allah River.
Facebook Comments
