General Santos City–niabot na dinhi sa Gensan ang patayng lawas sa OFW nga si Veronica Benarao, 41, nga taga, Purok 11-B, Barangay Fatima, Gensan, kansa una nang nahulog sa hagdanan sa balay sa gitrabahuan niini didto sa nasud Riyadh.
Sumala Ni Charmae Benarao, anak ni Veronica nga pebrero 24, dihang na-nakuyapan ang iyang inahan samtang kini nanghinlo, nahulog kini sa hagdanan mao nga gilayon gidala sa ospital.
subay matud pa sa findings sa attending physician niini miresulta sa internal hemorrhage ang pagkahagbong niini. Brain dead ang iyang inahan sulod sa pipila usab ka adlaw, Marso 11 dihang gideklara kining patay sa iyang doctor.
Igo nalang intawon sa pagdangoyngoy si Charmae gumikan sa kamatayon sa iyang inahan.
sumala pa nga usa ka buotan ug manggihatagon ang iyang inahan dili lang sa iyang pamilya kon dili bisan na sa ubang tawo.
Sakit man dawaton ang pagkawagtang sa iyang inahan apan wala na silay mahimo kondili kini dawaton nalang.
