General Santos City—nailhan na ang lalaking una nang napusilan patay sa tropa sa Polomolok Municipal Police Station kansa nakig-pinusilay sa mga nahisgutan niadtong nakalabayng gabie sa purok Malinawon, Barangay Lumakil, Polomolok, South Cotabato.
Giila ni Police Sr. Inspector Romeo Albano, labaw sa Investigation Section sa Polomolok Municipal Police Station ang suspek nga si Gerald Uday Depues, legal age, residenti sa Purok 14, Barangay Mabuhay ning dakbayan sa Gensan.
Nasayran nga kagahapong adlawa gi-claim sa iyang inahan ang patayng lawas sa nasangpit nga suspek nga anaa sa Collado Funeral Homes, sa lungsod sa Polomolok.
Basi sa pakighinabi ni Albano ngadto sa inahan sa suspek nga wala matud pa sila nasayod nganong nakaabot sa Barangay Lumakil ang biktima.
Sa karon giimbistigahan pa sa kapulisan sa Polomolok kung may grupo ba nga gikalambigitan ang suspek nga lambigit sa iligal nga druga. Kahinumduman nga napusilan ang nasangpit nga suspek human kining nagpabuto pila ka metros ang gilay-on niini sa check point sa kapulisan nga sakop sa POlomolok PNP.
