South Cotabato—Nakalutan ang patayng lawas sa usa ka babaye kansa gituohang brutal nga gipatay sa sagingan nga nahimutang sa may Sitio Awal, Barangay Lamba, Banga, South Cotabato alas 8:00 sa buntag.
Ang patayng lawas sa wala mailhang biktima ang naputos ug plastic ang iyang lawas samtang giputos sab ug kaso ang ulo niini.
Nakasul-ob kini ug blue maong pants, pink T`shirt nga may tatak nga GUESS, anaa sa 5 feet ang gitas-on ug gibana-banaang anaa sa edad 25 ngadto na sa 30 anyos.
Matud ni Banga Municipal Police Station Chief of Police, Major Joseph Forro nagpadayon pa ang ilang imbestigasyon sa insidente ug ila pang ginasuta ang identity sa maong biktima.
Samtang gihuwat pa usab ni Forro ang resulta sa imbestigasyon sa SOCO sa patayng lawas sa biktima aron nga masayran kung unsay gikamatyan niini. Posible nga bag-uhay lang gilubong sa lugar ang biktima ayha kini nakalutan ug nakaplagan sa Backhoe driver.
Kalabutan niini nanawagan si P/Major Forro sa katawhan sa South Cotabato nga nawad-an ug kabanay nga sutaon ang patayng lawas kay basin ilang kaila ang biktima kansa anaa karon sa Southern Funeral Home sa Banga, South Cotabato.
