General Santos City–Padayon pa karon ang gihimong imbistigasyon sa Police Station 8 kalabutan sa nakaplagang patayng lawas sa usa ka babayeng hubo sa sapa nga sakop sa Purok 11, Barangay Batomelong Gensan, pasado alas 3:00 ang takna sa hapon, kagahapong adlawa.
Sumala ni Police Chief Inspector Yol Hilado, Chief Of Police sa Police Station 8 nga ang biktima nakaplagan sa mga residenti sa lugar nga nag utaw-utaw sa sapa diin adunay samad sa iyang ulo ug walay sapot sa lawas.
Padayon ang nasangpit ug ginaba-banaang anaa sa 40 hangtud sa 50 anyos ang edad.
Dugang pagbutyag si PCI Hilado nga wala pa masayran kung ang nahisgutan nalumos ug naanod lang sa maong sapa.
Dili usab niini masulti kung biktima ba sa pagpanglugos ang nasangpit nga biktima luyo paman nga wala kini sapot dihang nakaplagan.
Ila nalang huwaton ang resulta sa imbistigasyon sa SOCO nga mihiling sa patayng lawas sa nasampit nga biktima.
