Wala nay kinabuhi ang usa ka lalaki nga nakaplagan kagabie sulod sa usa ka UV Express Van diha sa Rotonda sa may Medical sakop sa Barangay Palao ning dakbayan sa Iligan. Biktima naila sa pangalang si Saidali Puwali Aragasi, 62 anyos minyo ug molupyo sa Sultan Naga Dimaporo, Lanao del Norte.
Sa initial nga imbestigasyon sa kapulisan, naka angkon ang biktima ug daghang samad dinungaban sa lawas niini . Nakita sa crime scene ang napulo ka pulgada nga kutsilyo nga gituohang gigamit sa pagdunggab sa biktima.
Matud pa sa asawa nga si Anie Naga nga niadtong Hulyo 25, Huebes sa buntag pa mibyahe ang bana aron mamasahero apan wala na kini makauli.
Gitan-aw karon sa kapulisan ang anggulo nga love triangle o rido ang hinungdan sa pag dunggab-patay sa maong biktima.
Ang patayng lawas sa biktima gidala na didto sa Sultan Naga Dimaporo, Lanao del Norte.
Nagpadayon ang imbestigasyon sa kapulisan kalabot sa maong insidente.
photo credits to the owner
