Usa ka patayng lawas sa lalaki ang nakit-an sa Purok 11, Barangay Maputi, Naawan, Misamis Oriental kaganihang alas sais sa buntag.
Kini ang gibutyag ni PO2 Mark Marsella, desk officer sa Naawan Municipal Police Station sa interview sa dxCC-RMN Cagayan de Oro.
Matud ni PO2 Marsella nga walay nakaila sa biktima nga gituohang gilabay lamang sa maong lugar.
Ang biktima gibana-banang nag-edad og 20 hangtud 30 anyos, mga 5 feet kapin kon kulang ang kataas, taas ang buhok, nakasuot og violet nga t-shirt nga dunay marka nga Eskolar Ko ni Bambi ug itom ang maong pants.
Nakita usab sa kapulisan nga dunay packaging tape ang liog sa biktima ug dunay samad pinusilan sa ulo partikular sa walang aping niini.
Gidugang ni PO2 Marsella nga ngitngit ang lugar, kurbada nga bahin ug layo sa kabalayan kung asa nakita ang patayng lawas sa biktima.
